Pwovèb Capítulo 30
Bible en Créole Haïtien (BSA)
1
Pawòl a Agur, fis a Jaké a, pwofèt la: nonm nan pale Ithiel, a Ithiel ak Ucal:
2
“Anverite, mwen pi bèt pase tout moun e mwen pa gen konprann a yon nonm.
3
Mwen pa t aprann sajès, ni mwen pa gen konesans a Sila Ki Sen an.
4
Kilès ki te monte nan syèl la e te desann? Kilès ki te ranmase van nan ponyèt li? Kilès ki te vlope dlo nan vètman li? Kilès ki te etabli tout pwent tè yo? Ki non li e ki non fis Li a? Asireman, ou konnen!
5
“Tout pawòl Bondye pase a leprèv; Li se yon boukliye pou sila ki kache nan Li yo.
6
Pa ogmante sou pawòl Li yo, oswa Li va repwoche ou e ou va fè prèv ke se yon mantè ou ye.
7
“De bagay m te mande ou yo; pa refize m yo avan m mouri:
8
Fè desepsyon ak manti rete lwen mwen. Pa ban m richès ni povrete. Nouri mwen ak manje ki se pòsyon pa m nan,
9
pou m pa vin plen e refize rekonèt Ou pou di: ‘Se kilès ki SENYÈ a?’ oswa, pou m ta manke, vin vòlè e fè yon gwo wont sou non Bondye mwen an.
10
“Pa pale mal yon esklav a mèt li, sinon li va modi ou, e ou va twouve koupab.
11
Gen yon kalite moun ki modi papa li e refize beni manman l.
12
Gen yon kalite ki san tach nan pwòp zye li; sepandan, yo poko lave pou sòti salte a.
13
Gen yon kalite—O, jan zye li leve wo, e pòpyè zye li leve ak awogans.
14
Gen yon kalite moun ak dan tankou nepe ak machwè tankou kouto, ki prèt pou devore aflije sou fas tè yo, e fè moun malere yo disparèt pami moun.
15
“Sansi a gen de fi: ‘Ban mwen’ ak ‘Ban m’. “Gen twa bagay ki pa janm satisfè, menm kat ki refize di: ‘Se kont’:
16
Sejou Lanmò a, vant fanm esteril la, latè a ki pa janm jwenn dlo ase, ak dife ki pa janm di: ‘Se kont’.
17
“Pou zye moun ki moke yon papa e ki giyonnen yon manman, kòbo nan vale a va vin rache l, e jenn èg yo va manje li.
19
Vòl a yon èg nan syèl la, pa sèpan an sou wòch, chemen gwo bato a nan mitan lanmè, ak manèv a yon jennonm ak yon fi.
20
“Men konsa chemen a fanm adiltè a: Li manje, li siye bouch li e li pale klè: ‘Mwen pa t fè mal’.
21
“Anba twa bagay, latè tranble, e anba kat, li pa ka kenbe:
22
Anba yon esklav lè li vin wa, ak yon moun fou lè l vin satisfè ak manje,
23
anba yon fanm neglije lè l jwenn mari, ak yon sèvant lè l pran plas mètrès kay la.
26
Chat mawon se pa yon pèp pwisan; men yo fè kay yo nan wòch.
27
Krikèt volan yo pa gen wa; men yo parèt byen alinye.
28
Zandolit ke ou kab kenbe nan men ou; sepandan, li antre nan palè a wa a.
29
“Gen twa bagay ki mache parèt bèl, menm kat ki bèl lè yo mache:
30
Lyon ki pwisan pami bèt yo, e ki pa fè bak devan okenn bèt;
31
Jan kòk mache a, menm ak mal kabrit, o yon wa lè lame parèt avè l.
32
“Si ou te fè foli nan leve tèt ou byen wo, oswa si ou te fè konplo pou mal, mete men ou sou bouch ou.
33
Paske lèt k ap laboure vin fè bè, ak peze nen pote san; se konsa laboure kòlè pwodwi konfli.”
Referenciado por 6
Referências cruzadas: OpenBible.info · CC BY 4.0
Versículo do Dia
"Tua palavra é lâmpada para os meus pés e luz para o meu caminho."
— Salmo 119:105
Ver versículo completo →Salve seus versículos, junte-se à sua congregação
Cadastre-se grátis arrow_forward