Jòb Capítulo 41
Bible en Créole Haïtien (BSA)
1
Èske ou ka rale Levyatan an deyò ak yon zen lapèch? Oswa peze lang li desann ak yon kòd?
2
Èske ou kab mete yon kòd nan nen l, oswa pèse machwè l ak yon zen?
3
Èske l ap fè ou anpil siplikasyon, oswa èske l ap pale ak ou ak pawòl dous?
4
Èske l ap fè yon akò avèk ou? Èske ou va pran l pou yon sèvitè pou tout tan?
5
Èske ou va jwe avè l konsi se yon zwazo, oswa èske ou va mare li pou demwazèl ou yo?
6
Èske komèsan yo va fè komès avè l? Èske y ap divize li pami machann yo?
Referências cruzadas
Jz 14:11
7
Èske ou kab plen po li ak gwo lans, oswa tèt li ak fren lapèch?
8
Poze men ou sou li! Sonje batay la byen! Ou p ap fè l ankò
9
Gade byen, esperans ou fo. Èske ou p ap vin bese ou, menm devan rega li?
10
Nanpwen moun ki gen kouraj ase pou l ta tante fè l leve. Ebyen, se kilès li ye ki kab kanpe devan M?
11
Kilès ki te ban Mwen yon bagay pou M ta rekonpanse li? Tout bagay anba tout syèl la se pa M.
12
Konsa, Mwen p ap rete an silans akoz manm li yo, oswa gran pwisans li, oswa jan kò l byen òganize.
Referências cruzadas
Gn 1:25
13
Se kilès ki kab retire pwotèj eksteyè li? Kilès ki kab penetre pwotèj fèt ak chenn doub?
14
Kilès ki kab ouvri pòt figi li? Gwo laperèz antoure dan l.
15
Gwo kal li yo se gran ògèy li; yo fèmen byen byen di.
16
Youn tèlman pre lòt ke menm lè pa kab pase antre yo.
17
Yo jwenn youn ak lòt; yo kole yo chak youn sou lòt e yo pa kab separe.
18
Lè li estène, li fè limyè vin parèt; e zye li tankou pòpyè zye nan maten.
20
Sòti nan nen l, se lafimen; konsi k ap sòti nan yon gwo bonm k ap bouyi, oswa fèy sèch k ap pran dife.
Referências cruzadas
Jr 1:13-14
21
Souf li ka limen chabon, e flanm yo sòti nan bouch li.
22
Kou li se yon rezèvwa fòs e gwo laperèz danse devan l.
23
Tout pli sou chè li vin jwenn ansanm; byen solid sou li, e yo pa kab deplase.
24
Kè li di tankou wòch, di menm tankou gwo wòch moulen.
25
Lè l leve pi pwisan yo vin pè; akoz gwo son kraze brize a, yo fè bak nèt.
26
Nepe ki rive kote li pa kab fè anyen, ni gwo lans lan, flèch la, ni frenn nan.
Referências cruzadas
Jó 39:21-24
27
Pou li moso fè se konsi se pay; bwonz se tankou bwa pouri.
28
Flèch pa kab fè l sove ale; wòch fistibal se kras raje devan l.
30
Pati anba li se tankou cha kanari; li gaye tankou yon baton ki vannen sou labou.
Referências cruzadas
Is 41:15
31
Li fè pwofondè li yo bouyi tankou yon bonm; li fè lanmè a vin tankou yon ja pomad.
32
Dèyè l, li fè yon pa kim dlo briye; konsi ou ta konnen se cheve blanch k ap soti nan fon dlo a.
34
Li gade sou tout bagay ki wo; Li se wa sou tout fis ògèy yo.
Referências cruzadas: OpenBible.info · CC BY 4.0
Versículo do Dia
"Tua palavra é lâmpada para os meus pés e luz para o meu caminho."
— Salmo 119:105
Ver versículo completo →Salve seus versículos, junte-se à sua congregação
Cadastre-se grátis arrow_forward