Sòm Chapit 70
Haitian Contemporary Version
1 (2) Delivre m non, Bondye! Prese vin pote m sekou, Senyè!
2 (3) Moun k'ap chache touye m yo, se pou yo wont, se pou yo pa ka leve tèt yo. Moun ki anvi wè malè rive mwen, se pou yo renka kò yo, se pou yo wont.
3 (4) Moun k'ap lonje dwèt sou mwen yo, se pou sezisman pran yo sitèlman yo wont.
4 (5) Men, tout moun ki vin jwenn ou, se pou yo kontan, se pou yo fè fèt. Tout moun ki renmen jan ou delivre yo a, se tout tan pou yo di: Bondye gen gwo pouvwa!
5 (6) Pou mwen menm, se yon pòv malere san sekou mwen ye. Men ou menm, prese vin delivre m! Se ou ki tout sekou mwen, se ou ki tout delivrans mwen. Prese non, Senyè!
Vèsè Jou a
"Pawòl ou a tankou yon lanp k ap klere chemen m, yon limyè k ap klere devan m."
— Sòm 119:105
Wè vèsè konplè →Sove vèsè ou yo, rantre nan kongregasyon ou a
Enskri gratis arrow_forward