Sòm Capítulo 36

¹ (2) Peche a pale nan fon kè mechan an: li mete nan tèt li pa gen rezon pou gen krentif Bondye. share content_copy

² (3) Li kwè li pi bon pase sa l ye a: konsa, li pa vle rekonèt peche l yo. share content_copy

³ (4) Tout pawòl nan bouch li se move pawòl, se manti ase l'ap bay. Li fin pèdi tèt li, li pa ka fè anyen ki byen ankò. share content_copy

⁴ (5) Li kouche sou kabann li, l'ap fè move plan. Li sou yon move pant, li dakò ak tout sa ki mal. share content_copy

⁵ (6) Senyè, ou renmen nou anpil anpil. Ou toujou kenbe pawòl ou. share content_copy

⁶ (7) Jistis ou kanpe fèm tankou gwo mòn ou yo. Jijman ou yo se bagay moun pa ka fin konprann. Senyè, se ou menm ki pran swen moun ansanm ak tout bèt yo. share content_copy

⁷ (8) Bondye, ala bon sa bon, renmen ou gen pou nou an! Se anba zèl ou lèzòm jwenn pwoteksyon. share content_copy

⁸ (9) Yo manje vant plen ak manje yo jwenn an kantite lakay ou. Bon bagay ou yo tankou yon rivyè dlo k'ap koule kote yo bwè kont kò yo. share content_copy

⁹ (10) Paske, se ou menm ki sous lavi a. Se limyè ou ki fè nou wè klè! share content_copy

¹⁰ (11) Toujou renmen moun ki konnen ou! Toujou fè byen pou moun ki san repwòch devan ou! share content_copy

¹¹ (12) Pa kite awogan yo mete pye sou kou m. Pa kite mechan yo fè m kouri. share content_copy

¹² (13) Gade jan moun k'ap fè mal yo tonbe non! Yo rete atè a, yo pa ka kanpe sou pye yo ankò! share content_copy