Sòm Capítulo 43

¹ Fè m jistis, Bondye. Defann kòz mwen kont moun sa yo ki pa konnen ou. Delivre m anba moun sa yo k'ap bay manti, k'ap fè mechanste. share content_copy

² Se ou ki Bondye mwen, se ou ki tout pwoteksyon mwen. Poukisa ou lage m konsa? Poukisa pou m'ap viv ak tout lapenn sa a nan kè m, lè lènmi m yo ap kraze m anba pye yo? share content_copy

³ Voye limyè ou, moutre m verite ou la. Fè yo fè m wè chemen pou m pran an. Fè yo mennen m sou mòn ki apa pou ou a, nan kay kote ou rete a. share content_copy

⁴ Lè sa a, m'a tounen vin bò lotèl Bondye a, Bondye ki fè kè m kontan an, Bondye k'ap fè m fè fèt la. M'a jwe enstriman mizik pou Bondye, pou Bondye pa m lan. share content_copy

⁵ Wi, men poukisa m kagou konsa? Poukisa m'ap plenn konsa nan kè m? M'ap mete espwa mwen nan Bondye, paske mwen gen pou m fè lwanj li ankò. Se li k'ap delivre m, se li ki Bondye mwen. share content_copy