Sòm Capítulo 47
Haitian Contemporary Version
1 (2) Nou tout pèp yo, bat bravo! Fè lwanj Senyè a! Rele ak kè kontan!
2 (3) Paske, Senyè ki anwo nan syèl la, se moun ki pa nan jwèt, se moun pou nou pè. Se yon gwo wa k'ap gouvènen sou tout latè.
3 (4) Li fè nou donminen sou anpil pèp, li mete anpil nasyon sou zòd nou.
4 (5) Se li ki chwazi peyi kote n'ap viv la pou nou. Peyi sa a se yon lwanj pou pitit Jakòb li renmen anpil yo.
5 (6) Bondye ap mache moute, tout pèp la ap rele, y'ap kònen klewon sitèlman yo kontan.
6 (7) Chante pou Bondye, fè lwanj li! Wi, chante pou wa nou an, fè lwanj li!
7 (8) Paske, se Bondye ki wa sou tout latè. Chante yon chante espesyal pou li!
8 (9) Bondye donminen sou tout nasyon yo. Bondye chita sou fòtèy ki apa pou li a.
9 (10) Chèf lòt peyi yo mete tèt yo ansanm ak pèp Bondye Abraram lan, paske se Bondye ki gen tout zam pou defann pèp yo. L'ap donminen sou tout bagay.
Versículo del Día
"Lámpara es a mis pies tu palabra, y lumbrera a mi camino."
— Salmo 119:105
Ver versículo completo →Guarda tus versículos, únete a tu congregación
Registrarme gratis arrow_forward