Sòm Capítulo 98

¹ (1b) Chante yon chante tou nèf pou Senyè a, paske li pa manke fè bèl bagay. Pouvwa li avèk fòs ponyèt li se bagay apa, se ak yo li te genyen batay la. share content_copy

² Senyè a te fè wè jan l delivre nou. Li te fè nasyon yo konnen jan li fè lèzòm gras. share content_copy

³ Li te chonje jan li renmen moun Izrayèl yo, jan li toujou kenbe pawòl li gen ak yo. Moun toupatou sou latè te wè jan Bondye nou an ap delivre nou. share content_copy

⁴ Nou tout ki rete sou latè, rele pou fè lwanj Senyè a tèlman nou kontan! Rele! Fè fèt! Chante! share content_copy

⁵ Chante pou Senyè a avèk gita! Avèk gita, chante kantik! share content_copy

⁶ Soufle klewon, kònen lanbi! Rele devan Senyè a sitèlman nou kontan, paske se li ki wa. share content_copy

⁷ Se pou lanmè a ansanm ak tou sa k'ap viv ladan l pran fè bri sitèlman yo kontan. Se pou latè a ansanm ak tou sa k'ap viv sou li pran chante. share content_copy

⁸ Se pou larivyè yo pran bat men yo. Se pou tout ti mòn yo pran chante ansanm sitèlman yo kontan. share content_copy

⁹ Paske, l'ap vini pou l jije tout moun ki sou latè! L'ap jije tout moun san patipri. L'ap jije tout pèp yo dapre sa yo merite. share content_copy