Sòm Capítulo 6

¹ (2) Senyè, pa pini mwen non lè ou fache! Pa kale mwen lè ou ankòlè! share content_copy

² (3) Gen pitye pou mwen, Senyè, paske mwen santi m san fòs. Geri mwen, Senyè, paske m'ap deperi. share content_copy

³ (4) Lespri m boulvèse anpil, Senyè. Pou konbe tan bagay sa a la ankò? share content_copy

⁴ (5) Tounen vin delivre m non, Senyè! Jan ou gen kè sansib sa a, pa kite m mouri. share content_copy

⁵ (6) Paske, lè yon moun mouri li pa ka chonje ou ankò. Pèsonn p'ap fè lwanj ou kote mò yo ye a. share content_copy

⁶ (7) Se fini m'ap fini afòs m'ap kriye. Lannwit, kabann mwen mouye nèt afòs je m kouri dlo. share content_copy

⁷ (8) Figi m fin rale afòs mwen gen lapenn. Mwen fin vye anba moun k'ap pèsekite m yo. share content_copy

⁸ (9) Wete kò nou sou mwen, nou tout k'ap fè sa ki mal, paske Senyè a tande lè m'ap kriye. share content_copy

⁹ (10) Li tande m lè m'ap rele nan pye li. Li reponn mwen lè m'ap lapriyè li. share content_copy

¹⁰ (11) Tout lènmi m yo pral wont, y'ap pè. Se vre wi. Y'ap kouri fè bak. Y'ap rete konsa lawont ap pran yo. share content_copy