Sòm Chapitre 29

¹ Bay a SENYÈ a, O Fis a moun pwisan yo, bay a SENYÈ a, glwa avèk gwo fòs. share content_copy

² Bay a SENYÈ a, glwa ke non Li merite a. Adore SENYÈ a avèk tout sa ki sen. share content_copy

³ Vwa SENYÈ a sou dlo yo. Bondye glwa la fè tonnè gwonde, eklate. SENYÈ a sou anpil dlo. share content_copy

⁴ Vwa SENYÈ a gen gwo fòs. Vwa SENYÈ a ranpli ak majeste. share content_copy

⁵ Vwa SENYÈ a fann bwa sèd yo. Wi, SENYÈ a fann an mòso bwa sèd Liban yo. share content_copy

⁶ Li fè Liban sote. Li ponpe tankou yon ti bèf, e Sirion tankou yon jèn bèf mawon. share content_copy

⁷ Vwa SENYÈ a koupe fè flanm dife. share content_copy

⁸ Vwa SENYÈ a souke savann nan. Vwa SENYÈ a souke savann Kadès la. share content_copy

⁹ Vwa SENYÈ a fè bich la fè pitit. Li fè forè a vin toutouni. Nan tanp Li a, tout moun ki la yo rele: “Glwa”! share content_copy

¹⁰ SENYÈ a te chita kon Wa nan gran inondasyon an. Wi, SENYÈ a chita kon Wa jis pou tout tan. share content_copy

¹¹ SENYÈ a va bay fòs a pèp Li a. SENYÈ a va beni pèp li a avèk lapè. share content_copy