Sòm Chapitre 48
Bible en Créole Haïtien (BSA)
1
Gran se Bondye e gran se lwanj Li merite a, nan Jérusalem, vil Bondye nou an, mòn sen pa Li a.
2
Bèl nan wotè li, jwa tout latè a, se Mòn Sion nan pati nò a, Vil gran Wa a.
3
Bondye te parèt nan sitadèl li yo. La, Li te fè tèt Li rekonèt kon yon refij.
4
Men gade, wa yo te rasanble yo. Yo pase akote vil la ansanm.
5
Yo te wè li, e yo te etone. Yo te sezi nèt, yo te kouri nan laperèz.
6
La, yo pèdi ekilib yo nèt. Doulè ak sezisman te pran yo tankou fanm k ap akouche.
7
Avèk van lès la, Ou te kraze bato Tarsis yo.
8
Jan nou konn tande a, se konsa nou vin wè, nan vil SENYÈ dèzame yo, nan vil Bondye pa nou an. Bondye va etabli li nèt, jis pou tout tan.
9
Nou te reflechi sou lanmou dous Ou a, O Bondye, nan mitan tanp Ou a.
10
Jan non Ou ye a, O Bondye, Se konsa Lwanj Ou ye, jis rive nan dènye pwent tè a; Men dwat Ou plen ladwati.
11
Kite Mòn Sion fè kè kontan! Kite fi a Juda yo rejwi akoz jijman Ou yo.
12
Mache toupatou nan Sion e antoure li. Konte fò wo li yo.
13
Konsidere ranpa li yo. Antre nan palè li yo, pou ou kab pale jenerasyon k ap vini an.
14
Paske Bondye se Bondye pa nou an jis pou tout tan. Li va gide nou jiska lanmò.
Référencé par 18
Références croisées: OpenBible.info · CC BY 4.0
Verset du Jour
"Ta parole est une lampe à mes pieds, et une lumière sur mon sentier."
— Psaume 119:105
Voir le verset complet →Sauvegardez vos versets, rejoignez votre congrégation
S'inscrire gratuitement arrow_forward