Sòm Chapit 76
Bible en Créole Haïtien (BSA)
1
Bondye byen rekonèt nan Juda. Non Li gran an Israël.
2
Tabènak Li a nan Salem. Abitasyon Li an osi nan Sion.
3
La, Li te kase flèch dife yo, boukliye ak nepe ak zam lagè yo.
4
Ou manyifik, pi majeste pase mòn ak bèt lachas yo.
5
Sila ak gran kouraj yo te piyaje, yo te fonse tonbe nan dòmi mò a. Okenn nan gèrye yo ka sèvi men yo.
6
Nan repwòch Ou, O Bondye Jacob, ni chevalye yo ak cheval la te tonbe nan yon pwofon somèy.
7
Ou menm, Ou merite lakrent. Se kilès ki kab kanpe nan prezans Ou lè Ou fache?
8
Ou te fè jijman tande soti nan syèl la. Latè te krent, e te kanpe rete an plas
9
lè Bondye te leve nan jijman an, pou sove tout enb sou latè yo. Tan
10
Paske kòlè a lòm va bay Ou glwa. Se retay kòlè pa W, ki sispann fè mal.
11
Fè ve Ou yo a SENYÈ a, Bondye Ou a e akonpli yo. Kite tout sila ki antoure Li yo mennen don a Sila ki merite lakrent lan.
12
Li va koupe retire nanm a prens yo. Wa latè yo gen lakrent Li.
Refere pa 11
Referans kwa: OpenBible.info · CC BY 4.0
Vèsè Jou a
"Pawòl ou a tankou yon lanp k ap klere chemen m, yon limyè k ap klere devan m."
— Sòm 119:105
Wè vèsè konplè →Sove vèsè ou yo, rantre nan kongregasyon ou a
Enskri gratis arrow_forward