English
Espanol
Portugues
Francais
Kreyol
Jòb 25
Haitian Contemporary Version
1 Bildad, moun lavil Chwa a, pran lapawòl, li di konsa:
2 — Bondye se chèf. Li fè tout moun respekte l. Li fè tout moun nan peyi ki nan syèl la viv ak kè poze.
3 Ki moun ki ka konte kantite zanj k'ap sèvi l? Pa gen kote limyè Bondye a pa klere.
4 Atò, moun ka konprann yo gen rezon devan Bondye? Pitit fanm pouse met atè ka san repwòch devan li?
5 Nan je Bondye, menm lalin lan pa klere ase. Pa gen yonn nan zetwal yo ki bon nèt pou li.
6 Alewè pou moun! Yo tankou vètè! Kisa yo vo devan Bondye?
