Sòm Chapitre 54
Haitian Contemporary Version
1
(3) Bondye, delivre m non avèk pouvwa ou! Fè m jistis avèk fòs kouray ou!
2
(4) Bondye, koute m non lè m'ap lapriyè! Panche zòrèy ou pou tande pawòl k'ap sòti nan bouch mwen!
3
(5) Paske gen yon seri moun awogan ki leve dèyè m, yon bann mechan ki sòti pou touye m! Yo pa menm chonje si gen Bondye!
4
(6) Men, Bondye ap vin ede m. Senyè a ap pran defans mwen.
5
(7) L'ap fè mechanste moun ki pa vle wè m yo tonbe sou tèt yo; l'ap fini nèt ak yo paske l'ap toujou kenbe pawòl li.
6
(8) Senyè, m'a ofri bèt pou yo touye pou ou ak kè kontan, m'a fè lwanj ou, paske ou bon pou mwen.
7
(9) Ou delivre m anba tray mwen te ye a; ou fè m wè lènmi m yo pèdi batay la.
Référencé par 13
Références croisées: OpenBible.info · CC BY 4.0
Verset du Jour
"Ta parole est une lampe à mes pieds, et une lumière sur mon sentier."
— Psaume 119:105
Voir le verset complet →Sauvegardez vos versets, rejoignez votre congrégation
S'inscrire gratuitement arrow_forward