English
Espanol
Portugues
Francais
Kreyol
Ezayi 21
Haitian Contemporary Version
1 Men mesay Bondye bay sou plenn bò lanmè a, nan peyi Babilòn: — Tankou yon van siklòn k'ap bale dezè Negèv la, yon gwo malè pral sòti nan peyi san manman yo.
1 Men mesay Bondye bay sou plenn bò lanmè a, nan peyi Babilòn: — Tankou yon van siklòn k'ap bale dezè Negèv la, yon gwo malè pral sòti nan peyi san manman yo.
2 Mwen fè yon vizyon, mwen wè bagay ki pou bay gwo lapenn lan. Mwen wè moun k'ap trayi, moun k'ap kraze brize! Nou menm lame peyi Elam lan, moute al atake! Nou menm sòlda peyi Medi yo, al sènen lavil li yo! Bondye pral fè moun k'ap soufri anba peyi Babilòn lan sispann plenn.
2 Mwen fè yon vizyon, mwen wè bagay ki pou bay gwo lapenn lan. Mwen wè moun k'ap trayi, moun k'ap kraze brize! Nou menm lame peyi Elam lan, moute al atake! Nou menm sòlda peyi Medi yo, al sènen lavil li yo! Bondye pral fè moun k'ap soufri anba peyi Babilòn lan sispann plenn.
3 Se poutèt sa, tout zantray mwen ap bouyi! Mwen gen yon sèl doulè anba vant tankou yon fanm ki prèt pou akouche. M'ap tòde. Mwen rete vant ba: mwen pa wè anyen, mwen pa tande anyen.
3 Se poutèt sa, tout zantray mwen ap bouyi! Mwen gen yon sèl doulè anba vant tankou yon fanm ki prèt pou akouche. M'ap tòde. Mwen rete vant ba: mwen pa wè anyen, mwen pa tande anyen.
4 Tèt mwen ap vire. M'ap tranble tèlman mwen pè. Mwen t'ap tann solèy la kouche. Men, lè aswè rive, se te pi mal.
4 Tèt mwen ap vire. M'ap tranble tèlman mwen pè. Mwen t'ap tann solèy la kouche. Men, lè aswè rive, se te pi mal.
5 Nan vizyon an, mwen wè yon tab byen ranje, yo louvri tapi atè pou envite yo chita. Y'ap manje, y'ap bwè. Yon moman, yo bay yon lòd: Kanpe, chèf lame yo! Pare zam nou pou defann nou!
5 Nan vizyon an, mwen wè yon tab byen ranje, yo louvri tapi atè pou envite yo chita. Y'ap manje, y'ap bwè. Yon moman, yo bay yon lòd: Kanpe, chèf lame yo! Pare zam nou pou defann nou!
6 Apre sa, Senyè a di m konsa: — Ale non! Mete yon gad veye! W'a di l pou l fè ou konnen tou sa l'a wè.
6 Apre sa, Senyè a di m konsa: — Ale non! Mete yon gad veye! W'a di l pou l fè ou konnen tou sa l'a wè.
7 Si l wè kavalye k'ap vini sou chwal yo, de pa de ak yon pati moun sou bourik, yon lòt pati sou chamo, se pou l louvri je l gade byen.
7 Si l wè kavalye k'ap vini sou chwal yo, de pa de ak yon pati moun sou bourik, yon lòt pati sou chamo, se pou l louvri je l gade byen.
8 Gad la rele byen fò: — Mèt, m'ap rete kanpe la nan pòs mwen tout lajounen. Mwen p'ap deplase kote m ye a. M'ap veye tout lannwit.
8 Gad la rele byen fò: — Mèt, m'ap rete kanpe la nan pòs mwen tout lajounen. Mwen p'ap deplase kote m ye a. M'ap veye tout lannwit.
9 Lè sa a, yon lame kavalye parèt. Y'ap mache vini de pa de. Gad la bay nouvèl la. Li di: Lavil Babilòn tonbe! Wi, li tonbe! Tout estati zidòl yo tonbe plat atè, yo kraze!
9 Lè sa a, yon lame kavalye parèt. Y'ap mache vini de pa de. Gad la bay nouvèl la. Li di: Lavil Babilòn tonbe! Wi, li tonbe! Tout estati zidòl yo tonbe plat atè, yo kraze!
10 Nou menm, pèp mwen an, mwen te fwote nou anba pye m tankou moun fwote diri sou glasi. Men, kounyeya m'ap fè nou konnen bòn nouvèl mwen te tande a. Se Senyè ki gen tout pouvwa a, Bondye pèp Izrayèl la, ki te fè m konn sa.
10 Nou menm, pèp mwen an, mwen te fwote nou anba pye m tankou moun fwote diri sou glasi. Men, kounyeya m'ap fè nou konnen bòn nouvèl mwen te tande a. Se Senyè ki gen tout pouvwa a, Bondye pèp Izrayèl la, ki te fè m konn sa.
11 Men mesay Bondye bay pou moun peyi Edon yo: — Yon moun rete peyi Seyi, l'ap rele m. Li di m: Ey, gad! Kilè li ye? Konbe tan ankò pou nwit lan bout? Konbe tan ankò anvan solèy leve?
11 Men mesay Bondye bay pou moun peyi Edon yo: — Yon moun rete peyi Seyi, l'ap rele m. Li di m: Ey, gad! Kilè li ye? Konbe tan ankò pou nwit lan bout? Konbe tan ankò anvan solèy leve?
12 Mwen reponn: — Bajou prèt pou kase. Men apre sa, se va lannwit ankò. Si nou vle mande sa ankò, tounen vin mande.
12 Mwen reponn: — Bajou prèt pou kase. Men apre sa, se va lannwit ankò. Si nou vle mande sa ankò, tounen vin mande.
13 Men mesay Bondye bay pou moun peyi Arabi yo: — Nou menm moun peyi Dedan, se nan mitan raje ki nan savann Arabi a nou pral moute kan nou pase nwit!
13 Men mesay Bondye bay pou moun peyi Arabi yo: — Nou menm moun peyi Dedan, se nan mitan raje ki nan savann Arabi a nou pral moute kan nou pase nwit!
14 Al kontre moun ki swaf dlo yo pou ba yo bwè. Moun peyi Tema yo al kontre moun k'ap kouri sove yo, yo pote manje ba yo.
14 Al kontre moun ki swaf dlo yo pou ba yo bwè. Moun peyi Tema yo al kontre moun k'ap kouri sove yo, yo pote manje ba yo.
15 Moun yo pran kouri pou yo chape anba nepe sòlda ki te sòti pou touye yo, anba flèch ki te tou pare pou pèse yo, anba gwo danje ki te gen nan batay la.
15 Moun yo pran kouri pou yo chape anba nepe sòlda ki te sòti pou touye yo, anba flèch ki te tou pare pou pèse yo, anba gwo danje ki te gen nan batay la.
16 Lè sa a, Senyè a di m konsa: — Nan yon lanne, jou pou jou, tankou moun k'ap travay pou lajan kalkile lè travay yo, p'ap rete anyen nan tout bèl pouvwa peyi Keda a!
16 Lè sa a, Senyè a di m konsa: — Nan yon lanne, jou pou jou, tankou moun k'ap travay pou lajan kalkile lè travay yo, p'ap rete anyen nan tout bèl pouvwa peyi Keda a!
17 Ou tande jan nan peyi sa a gen anpil vanyan sòlda ki konn tire banza byen? Enben! Se de twa ase ki va rete. Se mwen menm, Senyè a, Bondye pèp Izrayèl la, ki di sa.
17 Ou tande jan nan peyi sa a gen anpil vanyan sòlda ki konn tire banza byen? Enben! Se de twa ase ki va rete. Se mwen menm, Senyè a, Bondye pèp Izrayèl la, ki di sa.
