Sòm Chapit 113
Haitian Contemporary Version
1 Lwanj pou Senyè a! Nou menm k'ap sèvi Senyè a, fè lwanj li!
2 Se pou nou nonmen non l depi kounyeya epi pou tout tan tout tan.
3 Depi kote solèy leve jouk kote solèy kouche, se pou yo fè lwanj Senyè a!
4 Senyè a donminen sou tout nasyon yo. Pouvwa li moute pi wo pase syèl la.
5 Pa gen tankou Senyè a, Bondye nou an. Li chita anwo nèt.
6 Li bese je l pou l wè sa k'ap pase nan syèl la ak sou latè a.
7 Li bay pòv malere a men pou fè l leve sòti nan pousyè a. Li wete l nan mizè.
8 Li fè l chita menm kote ak chèf yo, wi, sou menm tab ak chèf pèp li a.
9 Li bay fanm ki pa ka fè pitit la yon fanmi. Li fè kè l kontan lakay li, li ba l pitit. Lwanj pou Senyè a!
Antretan
"Pawòl ou a tankou yon lanp k ap klere chemen m, yon limyè k ap klere devan m."
— Sòm 119:105
Sove vèsè ou yo, rantre nan kongregasyon ou a
Enskri Gratis arrow_forward