Sòm Chapit 124
Haitian Contemporary Version
1 (1b) Si Senyè a pa te kanpe pou nou, kijan sa ta ye! Se pou pèp Izrayèl la rekonèt sa.
2 Wi, si Senyè a pa te kanpe pou nou, lè moun yo te leve dèyè nou an,
3 yo ta vale nou tou vivan, lè yo te move sou nou an.
4 Dlo ta kouvri nou, lavalas ta pase sou nou.
5 Wi, lavalas ta pote nou ale.
6 Ann fè lwanj Senyè a ki pa kite lènmi nou yo devore nou.
7 Nou chape tankou yon ti zwazo ki chape sòti nan pèlen chasè. Fil pèlen an kase. Nou chape, n'ale.
8 Se Senyè a k'ap pote nou sekou, se li menm ki fè syèl la ak latè a.
Antretan
"Pawòl ou a tankou yon lanp k ap klere chemen m, yon limyè k ap klere devan m."
— Sòm 119:105
Sove vèsè ou yo, rantre nan kongregasyon ou a
Enskri Gratis arrow_forward